Veiðimolar


Munir frá Sigurfinni Jónssyni á Veiðisafninu


Hinn landskunni veišimašur Sigurfinnur Jónsson frį Saušįrkróki hefur įnafnaš Veišisafninu į Stokkseyri persónulega muni įsamt Beretta haglabyssu sem hann notaši til veiša ķ fjölda mörg įr.

Er hér um höfðinglega gjöf að ræða en þessir munir hafa verið hér í sýningu á Veiðisafninu um nokkurn tíma. Vart þarf að kynna Sigurfinn veiðimann enda löngu landsþekktur af sýnum veiðum og má nefna að hann hefur gengið til rjúpna í 70 ár og haldið veiðibækur alla sína tíð.

Gjöf Sigurfinns inniheldur m.a. ljósmyndir, dagbók, skotapakka og skinn af forláta villisvíni sem hann veiddi í Póllandi ásamt hleðslutækjum auk Beretta haglabyssu, tvíhleypa af bestu gerð ásamt eintaki af bókinni Háspenna lífshætta sem um hann var rituð fyrir nokkrum árum sem Árni Gunnarsson skráði.

Stjórn Veiðisafnsins þakkar Sigurfinni fyrir þessa höfðinglegu gjöf og eru munirnir nú til sýnis í öðrum af sýningarsölum safnsins



Sigurfinnur Jónsson veiðimaður og Páll Reynisson veiðimaður- og safnstjóri Veiðisafnsins



Beratta haglabyssa Sigurfinns ásamt persónulegum munum

 


Drífurnar komnar í hús


Drífa haglabyssa nr.166 er fundin en hún var sú síðasta sem vantaði á eigendaskrá Drífuvinafélgsins en það er félagsskapur sem heldur utanum haglabyssur Jóns Björnssonar byssusmiðs með meiru frá Dalvík en hann lést 1991.

Var það sonarsonur Jóns, Jón Björn Bragason sem fann síðustu byssuna eftir samtal við eiganda hennar, Eyþór Bollason en þeir hittust í fjölskylduboði nýlega og tóku spjall saman um smíðar Jóns Björnssonar.

Hefur leit að haglabyssunum staðið yfir í mörg ár og vill Veiðisafnið og Drífuvinafélagi þakka öllum er að málinu hafa komið en verkefnið var stutt af Þjóðhátíðarsjóði á sýnum tíma.

Alls smíðaði Jón Björnsson 120 haglabyssur með boltalás sem eru einstakir safngripir, en Jón nefndi byssurna Drífur vegna þess hvað þær drifu og fóru vel með.

 


Byssusýning 2011 - Veiðisafnið - Stokkseyri


Starfsár Veiðisafnsins á Stokkseyri 2011 hefst með árlegri byssusýningu í samvinnu við verslunina Vesturröst laugardaginn 5. og sunnudaginn 6. febrúar 2011 frá kl. 11–18 í húsakynnum Veiðisafnsins, Eyrarbraut 49 Stokkseyri.

Verður fjölbreytt úrval skotvopna svo sem haglabyssur, rifflar, skammbyssur, herrifflar ásamt ýmsu frá landskunnum söfnurum til sýnis m.a ein af haglabyssum Jóns Þorsteinssonar frá Ólafsfirði og Drífur Jóns Björnssonar frá Dalvik.

Einnig verða til sýnis byssur frá Veiðisafninu sem ekki tilheyra grunnsýningu
safnsins og skotvopn úr einkasöfnum m.a. annars frá Sverri Scheving Thorsteinssyni, Sigurði Ásgeirssyni og fjölmörgum öðrum aðilum að ógleymdum Drífu-haglabyssunum frá Jóni Björnssyni heitnum frá Dalvík. Tveir risastórir vísundar frá USA voru settir upp síðastliðið haust á Veiðisafninu og vekja þeir mikla eftirtekt.

Allt áhugafólk um skotvopn og veiðar er velkomið, aðgangseyrir er kr.1250 fl. og
750 kr. börn 6-12 ára.

Nánari upplýsingar á

www.veidisafnid.is og www.vesturrost.is

 

Ný uppstoppuð dýr á Veiðisafninu

Veiðisafnið - Stokkseyri - 26.07.2010

Tveir Vísundar – Amerískur Buffalo (Bos Bison) sem voru veiddir í Minnesota – USA hafa verið settir upp til sýningar í Veiðisafninu Stokkseyri, er hér um framparta að ræða.

Dýrin voru 950kg. og 1.100kg. að þyngd, fullorðnir tarfar báðir tveir og vekur stærð þeirra mikla eftirtekt.
Dýrin voru felld með skammbyssu, T/C Contender cal.45-70 kúluþyngd 400gr og eru uppstoppaðir af Ted Pilgrim Taxidermy – Menahga MN. - USA

Veiðimenn eru Jónas Geir Sigurðsson og Páll Reynisson - Veiðisafnið

Jónar Transport hf. - Reykjavík og Bíltak ehf. - Selfossi fá bestu þakkir fyrir stuðninginn við innflutning dýranna til Íslands.

Um 1880 er ljóst að Vísundar í Norður Ameriku eru að verða útdauðir vegna ofveiði, en á þeim tíma voru bara einstaka hjarðir í einkaeign til og lítil villt hjörð í Yellowstone þjóðgarðinum. Í Maí 1894 eru sett lög af stjórnvöldum í Norður Ameriku til að friða þessar stóru skepnur og eftir það hefur ræktun þessara dýra gengið vel, en um 1931 er áætlað að hafi verið til nálægt 21.000 vísundar í Norður Ameríku og hefur þeim fjölgað mikið síðan.

 

Byssusýning 2009

Veiðisafnið - Stokkseyri

Starfsár Veiðisafnsins á Stokkseyri 2009 hefst með árlegri byssusýningu í samvinnu við verslunina Vesturröst laugardaginn 7. og sunnudaginn 8. febrúar 2008 frá kl. 11–18 í húsakynnum Veiðisafnsins, Eyrarbraut 49 Stokkseyri. Verður fjölbreytt úrval skotvopna svo sem haglabyssur, rifflar, vélbyssur, skammbyssur, herrifflar ásamt ýmsu frá seinni heimstyrjöld í eigu Hinriks safnara til sýnis . Einnig skammbyssur smíðaðar á Íslandi og ein af haglabyssum Jóns Þorsteinssonar frá Ólafsfirði.

Starfsmenn frá Vesturröst veita upplýsingar um þeirra söluvöru sem og fylgihluti.

Einnig verða til sýnis byssur frá Veiðisafninu sem ekki tilheyra grunnsýningu safnsins og skotvopn úr einkasöfnum m.a. annars frá Sverri Scheving Thorsteinssyni, Sigurði Ásgeirssyni, Einari frá Þverá og fjölmörgum öðrum aðilum að ógleymdum Drífu-haglabyssunum frá Jóni Björnssyni heitnum frá Dalvík.

Allt áhugafólk um skotvopn og veiðar er velkomið, aðgangseyrir er
Kr.1000 fl. og 500 kr. börn 6-12 ára.

Nánari upplýsingar á www.veidisafnid.is og www.vesturrost.is

 

Ķsbjörn

Veiðisafnið á Stokkseyri hefur eignast ísbjörn, uppstoppaðan í fullri stærð og hefur hann verið settur upp til sýningar í sýningarsal safnsins.

Hér er um að ræða grænlenskan ísbjörn sem settur var upp af Sigurði Guðmundssyni hamskera á Akureyri en hann naut aðstoðar kennara sinna frá Svíþjóð og Danmörku við uppsetninguna. Er björninn einstaklega vel upp settur og glæsilegur, standandi á þremur fótum. Ekki er um endanlega uppstillingu að ræða þar sem hugmyndin er að setja hann upp með tveimur hvítum íslenskum refum á sérstakan sýningarpall þar sem hægt verður að skoða hann frá öllum hliðum og er ætlunin að setja þetta upp í nýjan sýningarsal safnsins sem nú er í smíðum í viðbyggingu við safnið.

Sýningargestir Veiðisafnsins hafa strax frá opnun safnsins í maí 2004 spurt mikið um ísbjörn og hefur varla liðið sú vika á þessum tíma að ekki hafi verið um hann spurt og er það okkur sönn ánægja að geta boðið sýningargestum upp á þessa viðbót í safnakosti. Rétt er til gamans að geta þess að þetta er líklega eini ísbjörninn sem vitað er um sem hefur farið í gegnum Hvalfjarðargöngin, er hann var sóttur til Akureyrar.

Veiðisafnið er opið daglega frá kl.11 til 18

Átt þú (íslenska) haglabyssu ?

Veiðisafnið á Stokkseyri í samvinnu við afkomendur Jóns Björnssonar frá Dalvík stofnuðu Drífuvinafélagið 12.mars 2005 en Jón heitinn smíðaði 120 haglabyssur sem allar eru listasmíði og einstakar í sögu þessa lands, ekki bara sem skotvopn heldur líka sem smíðisgripir og þar með partur af íslenskri iðnsögu.

Jón kallaði þessar byssur Drífur og segir nafnið þó nokkuð um gæðin og þóttu þær góðar til veiða. Með stofnun Drífuvinafélagsins er líklegt að flestar þær byssur sem þá voru í notkun hafi fengið annað gildi hjá eigendum sínum og teljast í dag líklega án undartekninga safngripir, en mikil vinna var lögð í það af hálfu Veiðisafnsins og afkomenda Jóns Björnssonar að hafa upp á þessum byssum og gera eigendalista og er hann birtu hér á heimasíðu Veiðisafnsins en þar má einnig finna ítarlegri upplýsingar um Jón Björnsson og Drífurnar en Jón heitinn byrjaði á að merkja fyrstu byssuna nr. 101 og er síðasta byssan sem hann smíðaði nr. 220.

Nánast allir Drífueigendur sem haft var samband við tóku vel í gerð eigendalistans þegar félagið var stofnað og ber að þakka það en þó vantar okkur sex byssur af þessum 120 sem Jón smíðaði og auglýsum við hér með eftir Drífum #142 #166 #167 #171.

Allar þessar Drífur eru einsskota með boltalás og löngu 36î hlaupi, merktar á þeirri hlið er snýr á móti bolta, JB Drífa 3î Dalvík og eintaksnúmeri.

Líklegt er að þessar umræddu haglabyssur séu í dánarbúum og/eða í geymslu hjá aðilum sem ekki þekkja til þeirra né Drífuvinafélagsins og er það ósk okkar sem að þessu standa að viðkomandi gefi sig fram svo skrá megi byssurnar með hinum.

Þessi haglabyssusmíði Jóns Björnsonar frá Dalvík er einstök á landsvísu og með ólíkindum að einn og sami maðurinn hafi handsmíðað 120 haglabyssur sem allar eru listasmíði og ber okkur sem á eftir honum koma skylda til að halda nafni hans og smíðum á lofti til komandi kynslóða.


Allar nánari upplýsingar og skráningu annast Veiðisafnið sími 483-1558

 

 


Flżtival